المشبك المقرمش الخفيف من مطبخى

المشبك على طريقتى






المقادير

2 كوب دقيق ابيض منخول
1 كوب نشا
ملعقه خميرة كبيرة
نص ملعقه بكنج بودر(اختيارى)
ذرة ملح
ماء دافىء للعجن


السيرب
2 كوب سكر
1.5 كوب ماء
2 باكيت فانيليا
نضعهم على النار الى ان يتماسك قوامهم


طريقة المشبك
هنقلب النواشف مع بعض





وندوب الخميرة فى نصف كوب ماء دافىء







ونزود ماء حسب الحاجه وياريت تستخدمى المضرب السلك علشان ما يكلكعش منك
العجينه بتكون سائلة شويه
اخف من العوامات (لقمه القاضى) شويه صغيرة
نتركها تخمر ربع ساعة فقط



ثم نصب العجين فى اناء للتشكيل
ممكن استخدام براد الشاى القديم
او علبه الكاتشب البلاستيك
او القمع ويكن فتحته صغيرة




انا استخدمت ماكينه الكريم شانتيه (بلاستيك) فيها قمع صغير عملها مظبوطه جدااا

ابدأئى حضرى المقلاه وفيها الزيت يسخن كويس اوى





وشكلى الدوائر داخل المقلاه وثوانى اقلبيها على الوجه الاخر






وخرجيها تتصفى على مناديل ورقيه





لما تبرد يكون السيرب استوى












اغمسيها لافيه لما يبرد شويه





او ممكن ترشى فقط عليها منة برا
وبالف هنا اتمنى يكون عجبكم






الطبق النهائى



اقرب كماااااااااان




فى امان الله

كيكة او هريسة الذرة من مطبخى

كيكة الذرة (هريسة الذرة)
سهلة وروعة فى الطعم

المقادير

1 كوب دقيق ابيض(فاخر)

1 كوب دقيق ذرة

1 كوب حليب(لبن)

1 كوب زيت ذرة(ممكن نصف كوب سمنة ونصف كوب زيت)
افضل الزيت.

1 كوب سكر

2 كيس فانيليا

1 بكنج بودر

3 بيض

جوز هند وزبيب(اختيارى) او بشر برتقال
سمسم للتزيين (اختيارى)

الطريقة

تجيبى البيض والفانيليا والسكر واللبن والزيت تضربيهم مع بعض بالمضرب او الخلاط الكهربائى

تنخلى الدقيق كلا على حدا
وتقلبى البكنج بودر مع الدقيق الابيض(الفاخر)

تصبى المحتويات المضروبة بالمضرب فى وعاء بلاستيك وتضعى الدقيق وتقلبى المكونات بالمعلقة الخشبية ممكن تضيفى الزبيب وجوز الهند مع التقليب الى ان تتماسك
تحضرى الصينية مدهونة سمنه
وتصبى العجين فيها وتكونى مسخنة الفرن من قبل
تضعى الصينيه فى الفرن وبالهنا والشفا

اسيبكم مع الصور

 

قبل ماتدخل الفرن

 

 

دى الصينيه الثانية وزينتها من فوق بالسمسم (قبل ما تدخل الفرن)

وهى لسة فى الفرن بعد مرور 20 دقيقة عليها

النتيجة بعد ما طلعت من الفرن

صورة من فوق قريبة شويه

اتفضلو هشة وعاليه وطعمها حلو اوى
تقدم مع وجبه الافطار مع الشاى بالحليب رووووعة فى الطعم

ودى برضو شكلها من قريب السمسم شكلو حلو اوى فيها

بالهنا والشفا

تورتات ام ملك

 

عملت سبونج كيك  والصور هتوضح


بياض 8 بيضات بعد ضربهم مع 1 كوب سكر ومعلقة خل






ده صفار ال8 بيضات مع 1 كوب سكر والفانيليا



هنا نخلت 2 كوب دقيق ابيض وشيلت منهم 2 معلقة وحطيت بدالهم كاكاو وضيفت البكنج بودر ومعلقة
محسن كيك





بعد ما المكونات اندمجت كلها ضيفت بياض البيض شوية شويه مع التقليب بالراحة زى ما عارفين




طبعا مشغلين الفرن من قبل كل دا

ومحضرين الصنيه وصبيت الخليط هنا

 

الكيكة كدا تمام وبردت يلا على التزيين

دى حشو الوسط
كريم شانتيه +مانجو+جيلى فراولة مخصوص للتورته وشوية جوز هند







وتزيين الوش براحتك وحسب زوقك هنا عملت صوص شكولاته وزينت بيه مع الكريم شانتيه وشويه كريز
وكتب بالكريم شانتيه happy Birth day to you
على شكل دائرى
وكتبت اول حرفين من اسمى انا وزوجى بينهم قلب 

ودى لما اتقطعت








  

دول كمان 2 بنفس الطريقه

مع اختلاف التزيين

1





2

 

بلح الشام من ايد ام ملك والطعم تحلفى بيه

بلح الشام من ام ملك

 
طريقة بلح الشام وهى من اسهل مايمكن يلا نشوف مع بعض



نبدأ بسم الله







كوب وربع ماء
ربع كوب زيت+معلقه كبيرة سمنه فلاحى
كوب ونصف دقيق
ذرة ملح وذرة فانيلا
3 بيضات وسط او صغيرين



السيرب (الشربات)

كوب ونصف سكر + كوب ماء وذرة فانيلا ونص ليمونه
اول ما يبتدى يستوى ويجهز نضع معلقه سمنة بلدى او فلاحى
بيديله لمعه  وطعم وريحه جنااان




  الحشو كاسترد ولبن وسكر وجوز هند وفارماسيلا حسب الرغبة





اولا نحط الميه فى اناء على النار+ الزيت والسمنه وذرة الملح
اول ما تغلى غلوة واحدة نهدى النار خالص ونحط الدقيق كله مرة واحدة
ونقلب بسرعه بسرعه لغايه ما العجينه هتلم معاكى وتبقى زى الكورة كدا
مش لازقه فى الاناء

نسيبها تبرد خااالص خاالص حوالى ربع ساعه نكون جهزنا فيها الشربات
نرجع للعجينه بعد مابردت نحط عليها بيضه ونقلب بسرعه لغايه ما العجيت يتشرب البيضه ونحط شويه فانيلا
ثم نضع البيضه الثانيه ونقلب لغايه ماتختفى ثم البيضه الثالثه ودى اخر واحده ونلم العجينه فى كيس بلح الشام وممكن ندهن ايدنا بالزيت لسهوله خروج العجينه ووضعها بكيس الحلوانى







  بعد ماطلعت من الشربات
شايفين بتلمع ازاى علشان السمنه اللى حطيتها علي الشربات فى السوا







دى صورة وهو بيتحمر
ملحوظة كلبووووووووووووووظة

لنجاح بلح الشام مهم اووى اووى ان يكون الزيت بتاع التحمير فاااتر ومش سخن جداااا وانتى بتحمرى على اصغر عين فى البوتجاز بتاعك وحمرى بهدوء واول ماتحسى ان الزيت سخن خالص زى الصورة دى كدا ارفعى الطاسه من على النار واركنيها تهدى 3 دقايق كدا ورجعيها تكمل تحميبر تانى براحتها هتلاقيها هشه وخفيفه ومستويه جداا مش عجينه من جوا ومقرمشه وطعمها خرررافة

واول ماتطلعى اول طاسه من النار سيبى الزيت يهدى تانى وبعدين كملى تحمير






دة بعد ماطلع




للحشو بتجهزى الكاسترد باللبن والسكر عادى




ونحطه فى اله الكريم شانتيه او الحاجه دى عاملة زى الابرة كدا
فيها سن رفيع بحطع فى البلحايه وابتدى احشيه بعدين على الشربات على طووول اغمسه فى الشربات ويطلع فورا فى الطبق






دى شكلها من جوا





وهنا رشيت عليها جوز هند والفرماسيلا






دى كمان






ودول من غير حشو بالشربات بس
وبتفضل محتفظه بقرمشتها وطعمها الجناان فتره وحتى لو دخلتيها الثلاجة
والله  طعمها ماشاء الله حلوو اووى ومفرغه من جوا وهشه جدااا

الدوناتس الخطير وتحدى من ايد ام ملك

دوناتس ام ملك الحكااية حلو جداا

 كوب ونص دقيق
بيضة...فانيليا
2 معلقة ك ونص زبدة مذابة
تلات اربع كوب لبن دافي
2 معلقة صغيرة ونص خميرة فورية
2 معلقة ك سكر
نص كوب بطاطس مسلوقة ومهروسة كويس جدا جدا
ذرة ملح
معلقة صغيرة بكنج بودر

 هنسلق البطاطس(واحدة كبيرة كفاية) وندوب الخميرة فى شويه مايه دافيه صغيرين مع معلقة سكر
نهرس البطاطس بالشوكة كويس اووى
نضرب البيضة بالفانيليا وبعدين نضيفهم على البطاطس ونقلبهم كويس مع بعض ليندمجو ونضيف
ونضيف اللبن الدافىء والزبدة السايحة وكمان الخميرة
وبعدين اخر حاجه الدقيق معاه ذرة ملح والبكنج بودر ومعلقة سكر كبيرة ونبتدى نعجنهتلاقى العجينة بتلزق فى الايدشوية ممكن تزودى دقيق شويه صغيرين وتعجنى تانى وممكن تبلى ايدك بس بنقطة زيت وانتى بتعجنى
وادى العجينة




مش لازقه معايا فى البولة اهى وبرضو مش ناشفة يعنى عجينة لينه
هسيبها تخمر شغلت الفرن دقيقتين سخنته وطفيت ودخلتها نص ساعه

وبعد الخمر هبتدى اشتغل بالعجين واشكله كدا
ماعنديش قطاعه عملت بكوب وغطا زجاجة فانتا
بسمك 2 سم تقريبا..




وعملت قلوب كمان



نرصها فى صنيه مرشوشة دقيق
وهسيبها ترتاح كمان نص ساعه وممكن اكتر شوية كمان
ده شكلها بعد ما العجينة ارتاحت




ودى القلوب




هحمر فى الزيت على اصغر عين للبوتجاو واوطى عليها كمان علشان ما تتحرقش بسرعه ويطلع قلبها مستوى مش عجين



هنا قلبتها على الوش التانى




ودى كمان الدواير



ودى لما طلعت من الزيت وصفت الزيت بتاعها

ده الشكل النهائى للتزيين
واستخدمت شكولاتة خام دارك
ومعلقة صغيرة زبده وشويه لبن سيحتهم
وشكولاته خام بيضا ونفس الطريقة وسيحتها على النار
وكمان سكر بودرة على نقطتين لبن وزينت بالفارماسيلا















ماشاء الله هشه وجميلة جدااااا






ماشاء الله لا قوة الا بالله
شوفو من جوااااااا






واخيرا دى الكمية كلهاااااااا
وتمت بحمد الله