فطائر الدجاج (عشاء خفيف محبب للاطفال)

الاول عجنت كوب ونص دقيق
+نصف معلقة بكنج بودر
+معلقةخميرة بيرة قد البندقه كدا علشان البودر
+2 معلقة سكر+ربع معلقة ملح
+3 معلقة زيت
نص كوب او تلات ارباع الكوب لبن حسب العجينة

بحط كله فى العجانة وانزل باللبن حبه حبه
لغايه ماتتماسك كدا واسيبها تخمر
واحضر الحشو اللى كاااااااااان


دبوس فرخة كبيرة

خليته وقطعته مكعبات صغيرة

وكان عندى لحمة مفرومة اخدت منها حته
وكمان كان عندى برجر اخدت واحدة منه

قطعت بصله صغيرة وحطيت الفراخ الاول وعليها ملح ومعلقة صلصة وبهارات لحمة
وفلفل اسمر وجوز الطيب وسويتها بمعلقتين زيت على النار وزودت شويه مايه صغيرين علشان
تستوى كويس ولما بقت تلاث ارباع سوا كدا حطيت معاها اللحمة والبرجر

العجينة خمرت بعد نص ساعة وابتديت اكورها كور صغيرة
وافرده واحشيها بالحشوة اللى ريحتها كانت جامده جدا جدا

وسبتها ترتاح حوالى 10 دقايق كمان
وكنت وقتها سخنت الفرن

ودخلتها ودى لما طلعت

دى صورة تبين الحشوة من الداخ والعجينة ناجحة الحمد الله

جلاش ام ملك باللحمة المفرومة طعم جنان

اتفضلو الطريقه مشروحة مع الصوررر
ان شاء الله تعجبكم

ندخلها الفرن درجه حرارة عاديه الرف الوسطانى
ونحضر الاتى:

نخرجها من الفرن بعد ماتصفر شويه

zooom

وبألف هنا على قلوبكم

العيش بالبسطرمة والطعم حكاااية

 العيش بالبسطرمة بالطريقة المصرية

اول حاجه المقادير سهله وسريعه
وبجد والله العظيم يابنات عجينه فى منتهى الجمال عن نفسى
مابستغناش عنها لانها ناجحة جداا وماتطلعش ناية من جوا ولا اى حاجه بالعكس مستويه
جدا جدا وميزيتها مش بتاخد وقت خالص فى الفرن وعلى ضمانتى

2 كوب دقيق (عملو معايا 4 رغيف زى ماهتشوفوا)
نصف كوب حليب
معلقة خميرة مش كبيرة اوى يعنى+ معلقة صغيرة مليانه بكنج بودر
1 معلقة سكر+رشة ملح
زبدايه واحدة+4 معالق زيت


الطريقة ياقمرااات

الدقيق بنخله طبعا وبحط البكنج بودر والسكر والملح
والزيت وادعك بخفه كدا على الدقيق لغايه مايفرول او يتشرب
الزيت خالص وانزل بالزباداية ونفس الطريقه اشربها للدقيق
ادوب الخميرة فى نصف كوب الحليب وابدأ الم الدقيق بالحليب
حبه حبه لغايه ما تبقى عجينه مابتلزقش ومتماسكة وفى نفس الوقت
مش طريه ولا بتلزق
وتفضلى تعجنى شويه علشان تطلع مظبوطة معاكى
تخمر نص ساعه بس





ونبتدى الشغل بقا

اقطع طماطمايه مربعات صغيرة وحطيتها فى مصفاه علشان لو فيها ماية تنزل
قطعت جبنه تركى وبسطرمة وزيتون وفلفل اخضر
ماتحطيش ولا ذرة ملح لان تقريبا كل حاجه حادقه
يادوب لو رشة بهارات صغيرة جدا ورشه فلفل اسمر فقط







عملت العجينه 4 كور متوسطة
وكل كورة افردها بالشكل ده زى رغيف العيش




سمكها كويس ومش رفيعه قوى علشان مش تشف منك فى الفرن

وحشيتها باللغبطيطة دى كلها



وتنيت الرغيف بالشكل ده وقفلت بالشوكة

ودهنت الوش حليب ورشيت على 2 بس حبة البركة و2 سبتهم كدا



ده بعد حوال 10 دقايق فى الفرن




وزى ماقلت مش بتغيب فى الفرن مجرد ما لونها بقا كويس من تحت ولعت الشوايه علشان تحمر الوش وكانت مستويه ماشاء الله جدا وطعمها ووووووهم بجد

دى لما طلعت من الفرن قولو ماشاء الله






واول ما تخرج من الفرن ماتسيبيهاش كتير وتحطيها فى كيس بلاستيك نظيف
هتطرى وتبقى تحفة بجد والله

عند التقديم تقطع بالشكل ده







وده شكلها من جوااااااااااااااااا ناجحة جدا جدا





وده الحشو الخطير اووى